Yüksək rütbəli rus hərbçinin avtomobili yandırıldı
Avronews 
İddialara görə, hadisəni törədən şəxs Ukraynadakı “xüsusi hərbi əməliyyata” qarşıdır
Avqustun 27-də Moskvanın Leninqradskoye şossesində RF Silahlı Qüvvələri Baş Qərargahının 8-ci İdarəsinin rəis müavini Yevgeni Sekretarevə məxsus “BMW X6” markalı avtomobil yandırılıb. Ən çox maşının arxa hissəsi zədələnib - baqajı tamamilə yanıb.
Yanğını törədən qadın artıq saxlanılıb. İddialara görə, o, Ukraynada keçirilən “xüsusi hərbi əməliyyata” qarşı olduğunu bildirib.
Qeyd olunur ki, Sekretarev informasiya siyasətinə cavabdehdir: o, Rusiya ordusu ilə bağlı “yanlış məlumatların” mediada yer almamasına nəzarət edir.
(ya62.ru)
