Azərbaycan Ermənistana qarşı 3 dövlətlərarası şikayət göndərib
Avronews 
Çingiz Əsgərov: “Gözləyirik ki, Avropa Məhkəməsi şikayətin mümkünlüyü ilə bağlı qərar qəbul etsin”
“Azərbaycan Ermənistana qarşı 3 dövlətlərarası şikayət göndərib. Həmin şikayətlərin ikisi birləşdirilərək bir icraatda baxılır”.
“Avronews” xəbər verir ki, bu barədə Ali Məhkəmənin sədr müavini Çingiz Əsgərov açıqlama verib.
Onun sözlərinə görə, ilk əsas şikayət müharibədən dərhal sonra, 2021-ci ilin yanvar ayında göndərilib: “6 ay sonra isə minalarla bağlı şikayət göndərmişik. Növbəti şikayət isə 2022-ci ilin sonlarında Laçının Zabux və Sus kəndlərində ermənilər tərəfindən törədilmiş cinayət əməlləri ilə bağlı göndərilib. Sonuncu şikayətlə bağlı hələ ki, icraat başlamayıb”.
“Lakin birinci şikayətlə bağlı icraat başlanılıb, tərəflərin mövqeləri artıq Avropa Məhkəməsinə bildirilib. Biz gözləyirik ki, Avropa Məhkəməsi bu il ərzində heç olmasa, bu şikayətin mümkünlüyü ilə bağlı qərar qəbul etsin və biz artıq mahiyyət üzrə öz dəlillərimizi təqdim edək”, - deyə Əsgərov vurğulayıb.
