Səudiyyə şahzadəsindən Baydenə: “Onun əqli qabiliyyətinə şübhə var”
Avronews 
İddialara görə, Ağ Ev rəhbəri qərar qəbul etməyə qadir olmayan kuklasından başqa bir şey deyil
Səudiyyə Ərəbistanının vəliəhd şahzadəsi Məhəmməd bin Salman Əl Səud ABŞ-ın hazırkı Prezidenti Co Baydenin əqli qabiliyyətlərini şübhə altına alıb. Bu barədə “The Wall Street Journal” mənbələrə istinadən yazır.
Nəşrin həmsöhbətlərinin sözlərinə görə, Səudiyyə vəliəhdi müşavirlərinə müsahibəsində deyib ki, Bayden hələ Barak Obama administrasiyasında vitse-prezident olarkən onda heç bir təəssürat yaratmayıb.
Qeyd edək ki, Amerika lideri bir ildən artıqdır ki, şahzadə Məhəmmədlə danışmaqdan imtina edir və bu ilin iyulunda Ciddədə keçirilən görüşdə Səudiyyə rəsmiləri Co Baydenin bu danışıqlarda iştirak etmək istəmədiyini və Səudiyyə ilə siyasi müzakirələrdə maraqlı olmadığını hiss ediblər.
ABŞ rəhbərinin həmin vaxt siyasi müzakirələrə maraq göstərmədiyi iddia edilir. Öz növbəsində ekspert Eron David Miller əlavə edib ki, hazırda Vaşinqtonla Səudiyyə Ərəbistanı arasında praktiki olaraq heç bir etimad yoxdur.
Daha əvvəl ABŞ Konqresində belə bir fikir irəli sürülmüşdü ki, Birləşmiş Ştatlar Co Baydenin arxasında duran “kölgə hökuməti” tərəfindən idarə olunur və Prezidentin özü də “qərar qəbul etməyə qadir olmayan saat mexanizmli kuklasından başqa bir şey deyil”.
(aif.ru)
