Nəhəng ölü balıq tapıldı
Avronews 
Balığın çəkisi 3 tona yaxındır
Portuqaliyada Azor adaları arxipelaqı yaxınlığında çəkisinə görə rekord qıran balıq ölü tapılıb. “Science Inter” xəbər verir ki, ölkənin Atlantik Təbiətşünaslar Assosiasiyasından Xose Nuno Qomez-Pereira Faial adasının sahillərində üzən cənub günəş balığının (Mola Alexandrini) cəmdəyini tapıb.
Mütəxəssislər balığın qalıqlarını çəkmək və ölçmək üçün onu sahilə çıxara biliblər. Bundan əlavə, onlar balıqdan DNK nümunəsi götürüblər.
Qeyd edildiyi kimi, balığın çəkisi 2744 kiloqrama çatıb ki, bu da əvvəlki rekorddan təxminən 400 kiloqram çoxdur. Onun uzunluğu 325 santimetr idi. Aşkar edilən balıq indiyə qədər tapılan dünyanın ən ağır sümüklü balığı kimi dünya rekordu qırıb.
Nəşrin məlumatına görə, balığın ölümünün dəqiq səbəbi məlum deyil. Mütəxəssislər onun başının yaxınlığında, qayıqların rənglənməsi üçün istifadə edilənə bənzər qırmızı boya izləri olan bir çuxur gördülər. Ancaq bu işarənin balığın ölümündən əvvəl, yoxsa sonra ortaya çıxdığı bəlli deyil.
(mk.ru)
