Skuterlər şəhəri işğal edib

Onlar nəqliyyat çirklənmələrini azaltmağa nə dərəcədə kömək edəcək?

Bir neçə il ərzində elektrikli skuterlər, əslində, digər Avropa şəhərləri kimi Parisi də basıb. İstifadəçilər üçün bu, ucuz, sürətli və etibarlı nəqliyyat vasitəsidir. Söhbətin elektrik nəqliyyatından getməsi vacibdir. Bəs ətraf mühit üçün təhlükəsizdirmi?

Ekoloji təmiz, yoxsa...?

Paris küçələrində kiçik bir sorğu keçirilib. Beləliklə, elektrikli skuter ekoloji cəhətdən təmizdirmi?

"Mən belə düşünürəm, çünki orada yalnız elektrik enerjisi istifadə olunur", - deyə yeniyetmə düşünür.

"Ancaq o, həm də CO2 yayır, elə deyilmi?", - deyə gənc qadın aydınlaşdırır.

“Mən onun ətraf mühitə təsirinin nə olduğunu dəqiq deyə bilmərəm, məsələn, metro ilə böyük fərq varmı”, - deyə başqa bir respondentin düşünür.

Əslində, bir fərq var: Fransa paytaxtında aparılan araşdırmaya görə, ikinci nəsil elektrik skuter hələ də hər kilometrə metrodan altı dəfə çox karbon qazı buraxır. Eyni zamanda ətraf mühiti avtomobildən üç dəfə az çirkləndirir.

Araşdırmada qeyd olunur ki, skuter seçən insanlar avtomobil, taksi və avtobusla səfərlərin sayını qismən azaldır. Araşdırmanın həmmüəllifi Anne de Bortoli etiraf edir ki, onun aşkar üstünlüklərinə baxmayaraq, elektrik skuterləri ilə bağlı çoxlu şikayətlər var.

"Bu gün bu vasitələri icarəyə götürən şirkətlərin əksəriyyəti havaya zərərli tullantıların azaldılmasına nail olduqlarını bildirirlər. Amma, məlum oldu ki, çirklənmənin əksəriyyəti skuterlərin istehsalından qaynaqlanır", - o deyib.

Onlar kiçik olsa da, batareya ilə təchiz olunub və bu, karbon izidir. Skuterin alüminium çərçivəsi isə daha böyük iz qoyur.

Qu quşları yerinə skuterlər

Tənqidçilər bir çox istifadəçinin bu nəqliyyat vasitəsindən səhv istifadəni qeyd edirlər. Parisdə gənc bloger Rafael və atası məşhur Qu adasının adını “Skuter adası” adlandırıblar. Onlar birlikdə atılmış skuterləri sudan balıq kimi tuturlar.

"Üç il ərzində biz, yəqin ki, 170-ə yaxın skuter çıxardıq. Mən bilmirəm, insanlar onları suya atanda nə fikirləşirlər" - deyə yeniyetmə bildirir.

Ətraf mühitə təsiri azaltmaq üçün istehsalçılar batareyaların suya davamlı qutuda izolyasiya edilməsinə əmin olurlar. Bu tədbir kifayətdirmi?

Fizik Jerome Qayard əmin deyil: “Bizim bu batareyaların ətraf mühitdə qaldıqda necə davranması barədə məlumatımız yoxdur. Məncə, nikel, qurğuşun və civə kimi metallar təbiət üçün xüsusilə təhlükəlidir, onlar batareyalarda az miqdarda olur. Nano-çirklənməyə laqeyd yanaşmaq olmaz, əgər xırda metal hissəcikləri təbiətə daxil olarsa, bütün qida zəncirini zəhərləyə bilər”.

Bir şey məlumdur: elektrik skuterlərinin istehsalı və icarəsi sürətlə inkişaf edən bir işdir, onun gəlirliliyinin 2026-cı ilə qədər Avropada hər il təxminən 15% artacağı təxmin edilir.

Skuterlər nəqliyyat çirklənmələrini azaltmağa nə dərəcədə kömək edəcək? Mütəxəssislər bunun istehsalçıların və istifadəçilərin səylərindən asılı olacağını söyləyirlər.

(Euronews)