Dünyanı kim idarə edir?

Həyəcan təbili çalmaq zamanıdır

3-4 ay əvvəl Bayden, Putin və Xi-nin (Si Tsinpin) dünyanı kimin idarə etməsi haqda mübahisədən bir post paylaşmışdım. Üç böyük ölkə ABŞ, Rusiya və Çin liderləri mabahisə edirlər ki, dünyanı kim idarə edir.

Ortaq məxrəcə gələ bilmir, mübahisəni həll etmək üçün Hindistanın Baş nazirinə müraciət edirlər. Narendre Modi “Dünyada patron kimdir?” sorusuna “Bildiyim budur” deyərək aşağıdakı siyahını verir:

1. “Google”un baş direktoru hindistanlı
2. “Microsoft” CEO-su hindistanlı
3. “Adobe” şirkətinin baş direktoru hindistanlı
4. “Net App”in baş direktoru hindistanlı
5. “MasterCard” CEO-su hindistanlı
6. “DBS” CEO-su hindistanlı
7. “Novartis” CEO-su hindistanlı
8. “Diageo”nun baş direktoru hindistanlı
9. “SanDisk”in baş direktoru hindistanlı
10. “Harman” CEO-su hindistanlı
11. “Micron”un baş direktoru hindistanlı
12. “Palo Alto Networks” şirkətinin baş direktoru hindistanlı
13. “Reckitt Benckiser”in baş direktoru hindistanlı
14. “IBM” CEO-su hindistanlı
15. Böyük Britaniya kansleri hindistanlı
16. Böyük Britaniyanın daxili işlər naziri hindistanlı
17. İrlandiyanın Baş naziri hindistanlı
18. Amerika vitse-prezidenti hindistanlı
19. Böyük Britaniyada Baş nazir hindistanlı…

Dünyanı kim idarə edir, gördünüzmü? Amma hamı “yəhudilər” deyir.

Təbii ki, dünyanı hindistanlılar idarə etmir. Bu yarızarafat paylaşımım əslində bir hind gerçəyini ortaya qoyur. Və təəssüf ki, Hindistan deyəndə hələ də bizim ağlımıza ilk olaraq hind filmləri və “Space” kanalı gəlir. Halbuki Hindistan Silikon Vadisinə hökmranlıq edən bir Digital Dünyanı idarə edən Super Zəkalar yetişdirir.

Və nə acıdır ki, Hindistan Ermənistanla ciddi şəkildə əməkdaşlıq edir, yeni texnologiyalar sahəsində sabaha ciddi yatırım qoyurlar. Məncə, həyəcan təbili çalmaq və Milli Digitallaşma Proqramı hazırlamaq lazımdır. Çünki:

GƏLƏCƏK ELMLƏ GƏLƏCƏK

və

GƏLƏCƏK ANA DİLİ İLƏ GƏLƏCƏK;

çünki

GƏLƏCƏK ÇOX TEZ GƏLƏCƏK

Müəllif: İbrahim Nəbioğlu (publisist, araşdırmaçı)

Mənbə: “Facebook”