Kremlin nəhəng informasiya agentura şəbəkəsi aşkarlanıb

Rusiyanın müharibə ilə bağlı dezinformasiyasını aktiv şəkildə yayan 250 sayt müəyyən edilib

Marqarita Simonyanın rəhbərlik etdiyi “Rossia Today” (RT) telekanalının yayımı Avropa İttifaqı (Aİ) ərazisində qadağan edildikdən sonra Kremlə yaxınlığı olan yüzlərlə sayt aşkarlanıb. “NewsGuard” Rusiyanın müharibə ilə bağlı dezinformasiyasını aktiv şəkildə yayan 250 sayt müəyyən edib. Onların bir çoxu Aİ-də RT və “Sputnik”ə qadağa qoyulduqdan sonra yaradılıb.

Saxta məlumatları onlayn olaraq araşdıran və izləyən Nyu-Yorkda yerləşən “NewsGuard” şirkəti son aylarda onlarla müharibə haqqında Rusiya dezinformasiyasını aktiv şəkildə yayan 250 sayt müəyyən edib. Avqustun 9-da AP agentliyinin verdiyi məlumata görə, bu tendensiya, görünür, Aİ-nin RT kanalının yayımını və “Sputnik” agentliyinin işini qadağan etmək qərarına cavab idi.

Saytların təxminən yarısı ingilis, digərləri fransız, alman və ya italyan dillərindədir. Ekspertlərin fikrincə, bir çoxları müharibədən çox əvvəl yaradılıb, lakin birdən-birə kremlyönümlü gündəliyi dərc etməyə başlayana qədər Moskva ilə açıq şəkildə bağlı deyildilər.

Təbliğ olunan informasiyalar arasında Ukrayna tərəfinin beynəlxalq ictimaiyyətdən dəstək almaq üçün bir sıra ölümcül hücumlar təşkil etdiyi və ukraynalı qaçqınların Almaniya və Polşada cinayətlər törətdiyinə dair iddialar var.

Bundan əlavə, Avropa Dezinformasiya Situasiya Mərkəzi (DSC) RT videolarının sosial mediada yeni brend altında və fərqli loqotiplə və ya ümumiyyətlə, fəqrli loqo ilə yayıldığını aşkar edib. DSC-nin əsasını qoyan Britaniyanın “Reset” ictimai təşkilatının baş məsləhətçisi Feliks Kartte deyib ki, “Effektiv məzmun moderasiyası sistemlərini işə salmaq əvəzinə, onlar Kremlin dezinformasiya aparatı ilə ayaqlaşırlar”.

Eyni zamanda, AP agentliyinin qeyd etdiyi kimi, ekspertlər ukraynayönlü təbliğatı, xüsusən də "Kiyev Phantom" hərbi pilotu haqqında şəhər əfsanəsini yayan saytları da müəyyən ediblər, lakin bu cür resursların sayı kremlpərəstlərdən xeyli azdır.

Bundan əvvəl, iyulun 27-də Lüksemburqdakı Avropa Məhkəməsi “RT France” telekanalının Aİ ərazisində yayımının qadağan edilməsi ilə bağlı Aİ Şurasına qarşı iddiasını rədd edib. Qərar Avropa Ümumi Yurisdiksiya Məhkəməsinin Böyük Palatası tərəfindən verilib.

Lüksemburqdakı bir nümunədən belə bir nəticəyə gəlinib ki, Aİ Şurası “RT France”dan Rusiyanın Ukraynaya qarşı sabitliyi pozan və təcavüzkar siyasəti tərəfindən "aktiv dəstək" faktını təsdiqləyib. Bundan əlavə, telekanal Rusiyanın Ukraynaya qarşı müharibəsinə haqq qazandıran və ictimai asayiş və Aİ-nin təhlükəsizliyinə əhəmiyyətli təhlükə yarada biləcək məlumatlar yayımlayıb.

Xatırladaq ki, martın 1-də Aİ Şurası “RT English”, “RT UK”, “RT Germany”, “RT France”, “RT Spanish”, eləcə də “Sputnik” agentliyinin yayımını qadağan etmək qərarına gəlib. Əsas kimi də bildirilib ki, Rusiya bu kanallar vasitəsilə Ukraynaya qarşı təcavüzünə haqq qazandırmaq üçün təbliğat aparır və bununla da ictimai asayişi və Aİ-nin təhlükəsizliyini təhdid edir. “RT France” cavab olaraq Avropa Ədalət Məhkəməsində iddia qaldırıb, həmçinin qadağanın dayandırılması üçün ilkin hüquqi müdafiə üçün ərizə təqdim edib.

(DW)