Gənc Prezidentin protokol xətaları

“O, əvvəlcə oturdu, bir neçə saniyədən sonra yadına düşdü və düyməni açdı”

Türkmənistan Prezidenti Sərdar Berdıməhəmmədov rusiyalı həmkarı Vladimir Putinlə görüşündə pencəyinin düyməsini vaxtında açmağı unutmaqla kiçik səhvə yol verib. Türkmənistan liderinin davranışını biznes protokolu üzrə mütəxəssis Tatyana Nikolayeva şərh edib.

Vərəq düşməsi

Sərdar Berdiməhəmmədovun Şanxay Əməkdaşlıq Təşkilatının (ŞƏT) Səmərqənddə keçirilən sammiti çərçivəsində Rusiya dövlətinin başçısı Vladimir Putinlə söhbətinin əvvəlində, ehtimal ki, çıxışı yazılmış kağız parçası yerə düşüb. Baş verən hadisə videoya çəkilib.

“Hər kəs əlindən vərəq sala bilər. Bunun həyəcanla heç bir əlaqəsi olmaya da bilər. Bu, təsadüf məsələsidir və bu, boş şeydir”, - deyə Nikolayeva bildirib.

Düymə xətası

Bununla belə, iş protokolu üzrə mütəxəssis başqa bir səhvə diqqət çəkib. Türkmənistan Prezidenti əyləşərkən pencəyinin düymələrini açmağı unudub:

“Bu, işgüzar etiketin tələbidir. Mən deyə bilmərəm ki, bu, protokoldur. Protokol müəyyən görüşlərdə iştirakçıların sırası və yeri ilə bağlı daha sərt tələblərdir. Amma etiketə görə, kişi oturanda pencəyinin düymələrini açmalıdır”.

Mütəxəssisin sözlərinə görə, təcrübəli kostyum sahibi üçün bu hərəkət avtomatik olaraq baş verir. “İnsan əyləşən kimi pencəyinin düymələrini tamamilə açır. Qalxıb bərkidilir”.

“Burada gördük ki, Türkmənistan Prezidenti əvvəlcə oturdu, bir neçə saniyədən sonra yadına düşdü və düyməni açdı. Bu, sadəcə təcrübə çatışmazlığı, ictimai təcrübənin olmaması, kameralar altında işləmək təcrübəsinin olmaması ilə bağlı ola bilər”, - deyə ekspert vurğulayıb.

“Cənab Berdiməhəmmədov rəhbər vəzifədə təcrübəsi baxımından kifayət qədər gəncdir. Və onun qüsuru qorxulu deyil”, - deyə Nikolayeva əlavə edib.

(lenta.ru)