Sovet Bakısının ənənəvi simvollarından daha biri tarixə qovuşdu

Noyabrın 20-si paytaxtın sakinlərinin bu səsləri eşitdiyi son gün idi

Budapeştin demək olar ki, hər bir sakini dizel mühərrikinin səsi və bu avtobusun bağlanan qapılarının spesifik cingiltisi ilə tanışdır. Noyabrın 20-si Macarıstan paytaxtının sakinlərinin bu səsləri eşitdiyi son gün idi.

Belə ki, Sovet dövründən Bakı sakinlərinə də yaxşı tanış olan mavi avtobuslar “təqaüdə” çıxarıldı. Sərnişinlər fürsətdən istifadə edərək Şərqi Avropanın simvolik avtobusu ilə vidalaşdılar.

İştvan Tot əvvəllər mühəndis işləyirdi və “İkarus”u içəridən və xaricdən yaxşı tanıyırdı. O deyir: ““İkarus” Macarıstanın simvoludur. Bu, Avropanın ən böyük avtobus zavodlarından biri idi, biz keçmiş Şərq Bloku ölkələrinə çox avtobus ixrac edirdik, lakin bu, Rusiya üçün kifayət etmirdi”.

1967-ci ildə Budapeştdə 200 seriyasından birincisi olan “İkarus” 250 şəhərlərarası lüks avtobus təqdim edildi. Konstruktor Laszlo Finta tərəfindən hazırlanmışdı. Bu avtobus bir çox nüfuzlu beynəlxalq mükafatlara layiq görülüb.

“İkarus” 286-nı ABŞ-dan Qazaxıstana qədər hər yerdə görmək olardı. Amma bu gün onlar artıq bir tarixdir. Burada deyirlər ki, çoxları “İkarus” üçün darıxacaq, amma uşaq arabası ilə gəzən analardan başqa...

(Euronews)