Məşhur filmin ulduzları 55 ildən sonra üsyana qalxdılar: “Bizi soyundurub...”

Aktyor və aktrisa çılpaq səhnəyə görə yarım milyard dollar təzminat tələb edirlər

1968-ci ildə rejissor Franko Zeffirelli tərəfindən çəkilmiş "Romeo və Cülyetta" filminin ulduzları çılpaq səhnəyə görə “Paramount Pictures”-i məhkəməyə verir. Film çəkiləndə Leonard Uaytinq və Oliviya Hass yeniyetmə idilər. Baxmayaraq ki, 2018-ci ildə “Variety”-ə verdiyi müsahibədə Hass "çılpaq" səhnəni müdafiə etmişdi.

Məhkəmə prosesində, indi 70 yaşlarında olan ingilis oyunçular iddia edirlər ki, filmin klassiki olan Franko Zeffirelli çılpaq səhnələrdə iştirak etməkdə israr etmişdi, baxmayaraq ki, əvvəllər əmin edirdi ki, belə səhnələr məcbur olmayacaq.

"Paramount" hələ ki, iddiaya açıq cavab verməyib.

Aktyor və aktrisa 500 milyon dollardan çox təzminat tələb edirlər. Bu məbləğ çəkdikləri əzabları və ekrana çıxdıqdan sonra filmdən əldə edilən gəliri nəzərə alır.

Onlar iddia edirlər ki, 2019-cu ildə vəfat edən Zeffirelli əvvəlcə yataq otağı səhnəsi üçün açıq-saçıq alt paltarı geyinəcəklərini demişdi. Ancaq çəkilişdən əvvəl, onların versiyasına görə, rejissor onlara yalnız bədən makiyajı edəcəklərini söyləyib - eyni zamanda kameranın çılpaqlıq göstərməməsi üçün müəyyən bucaq altında yerləşdiriləcəyinə əmin edib.

Kino klassikinə çevrilən filmdə qısa müddət ərzində Uaytinqin çılpaq ombası və Hassın döşləri əks olunub.

İddiaçıların sözlərinə görə, Zeffirelli onlara çılpaq çəkilməli olduqlarını, əks halda səhnənin uğursuz olacağını və gələcək karyeralarına xələl gələcəyini deyib. “Aktyorlar rejissorun istədiyi kimi makiyajda çılpaq poz verməkdən başqa çarələri olmadığına inanırdılar”, - deyə ittihamda bildirilir.

O vaxt Uaytinqin 16 yaşı (indi 72), Hassın isə cəmi 15 yaşı var idi.

Aktyorlar “Paramount”-u cinsi təcavüz və fırıldaqçılıq ittihamı ilə məhkəməyə veriblər. Onlar həmçinin “Hollivud” studiyasını gənc aktyorları cinsi istismarda və yeniyetmə uşaqların çılpaq şəkillərini yaymaqda ittiham edirlər.

Məhkəmə sənədində deyilir ki, Uaytinq və Hass onlarla belə rəftar nəticəsində onilliklər boyu emosional zədə və ruhi əzab çəkiblər.

Film böyük uğur qazandı və Şekspirin pyesini öyrənən nəsil tələbələrə nümayiş olundu. Ən yaxşı rejissor və ən yaxşı film də daxil olmaqla dörd “Oskar” mükafatına namizəd olub. İki dəfə qalib gəlib - kamera işi və kostyum dizaynı üçün.

İddia, məhdudiyyət müddətini müvəqqəti olaraq dayandıran Kaliforniya qanununa əsasən, cümə günü Santa Monika Ali Məhkəməsinə təqdim olunub. İddiaçıların biznes meneceri Toni Marinozzi “Variety”-ə deyib ki, onlara deyilənlər və baş verənlər iki fərqli şeydir: "Onlar Frankoya güvənirdilər. 16 yaşında aktyor kimi onun təşəbbüsünə inanırdılar, ümid edirdilər ki, o, ona olan etimadı pozmayacaq. Franko onların dostu idi".

Aktyor və aktrisanın vəkili Solomon Qresen "Yetkinlik yaşına çatmayanların çılpaq şəkilləri qanunsuzdur və nümayiş etdirilməməlidir" açıqlamasını verib.

Baxmayaraq ki, 2018-ci ildə “Variety”-ə verdiyi müsahibədə Hass "çılpaq" səhnəni müdafiə etmişdi: "Mənim yaşımda heç kim bunu əvvəllər etməmişdi. Zeffirelli bunu zövqlə çəkdi. Bu, film üçün lazım idi".

Hass 2018-ci ildə “Fox News”-a verdiyi müsahibədə ABŞ-da çılpaq səhnənin tabu halına gəldiyi halda, Avropa filmlərində çılpaqlığın adi hal olduğunu söyləmişdi: “Leonard heç də utancaq deyildi! Çəkilişin ortasında sadəcə əynimdə paltarım olmadığını tamamilə unutdum”.

(BBC)