Qanı su yerinə axıdan xalqın ədəbiyyatı
Avronews 
Dostoyevskisiz, Puşkinsiz, Buninsiz ədəbiyyat dərsliyi olarmı?
Puşkin, Lermontov, Dostoyevski, Bunin, Çexov, Turgenev, Blok, Bıkov, Pasternak, Axmatova, Qumilyov və başqaları... Bunlar 2022-ci ilə qədər Ukraynada orta məktəb proqramında yer alan rus yazıçı və şairlər idilər. Onların sayı 40-a yaxın idi.
Gələn ildən isə məktəb kitablarında ancaq 5 müəllif qalacaq – İlf və Petrov, Qoqol, Korolenko, Bulqakov…
Bilirəm, tez deyəcəksiz ki, “Dostoyevskisiz, Puşkin və Buninsiz ədəbiyyat dərsliyimi olar?!”. Dünyanın düz vaxtlarında olmazdı, təbii ki…
Ancaq bir az empati qurun. O zaman ukraynalılara haqq verəcəksiniz.
Fevraldan bəri ölkəni viran qoyan, on minlərlə insanı qətlə yetirən, minə yaxın körpə balanı qanına qəltan edən bir xalqın ədəbiyyatını necə tədris etmək olar? Cavab verə bilərsizmi? Yox, mümkün deyil nəsə demək, mümkün deyil hansısa bir formada onlara haqq qazandırmaq.
Keçən gün bu düşüncələrimi lvovlu bir həkim dostumla paylaşırdım. Dinlədi, heç nə demədi, bircə bunu əlavə etdi ki, Rusiya Federasiyasının Ədəbiyyat üzrə Dövlət Standartında Şevçenkonun heç adı da yoxdur illərdir.
Buna nə deyirsiz bəs? Axı Turgenev, Çexov rus ədəbiyyatı üçün nədirsə, Şevçenko da odur ukraynalılar üçün…
Müəllif: İbrahim Nəbioğlu (publisist, araşdırmaçı)
Mənbə: "Facebook"
