“Torpaqlarımıza bir milyondan çox mina basdırılıb” – PREZİDENT
Avronews 
İlham Əliyev: “İşğaldan azad edilmiş torpaqlardakı 67 məsciddən 65-i tamamilə dağıdılıb”
“Bizim işğaldan azad etdiyimiz torpaqlarda mövcud olan 67 məsciddən 65-i tamamilə dağıdılıb. Dağıdılan məscidlərdən ikisi Ağdamdadır. Şuşadakı bir məscid isə qismən dağıntılara məruz qalıb”.
“Avronews” xəbər verir ki, bu fikirləri Prezident İlham Əliyev Ağdamda keçirilən Azərbaycan Milli Şəhərsalma Forumundakı çıxışı zamanı səsləndirib.
Düşmənin növbəti vandalizmindən söz açan dövlət başçısı bildirib ki, Ermənistan işğal dövründə bir milyondan çox mina basdırıb: “Azərbaycana və azərbaycanlılara qarşı bu terror siyasəti davam etməkdədir. Azərbaycan minalara görə məcburi köçkünlərin öz evlərinə qayıtması problemi ilə üzləşib”.
“Müharibə bitəndən indiyədək mina partlayışları nəticəsində 250-dən çox azərbaycanlı həlak olub və ya ağır yaralanıb. Təəssüf ki, onların sayı hər həftə artır. Elə ötən həftə 2 nəfər ölüb, 3 nəfər ağır yaralanıb”, - deyə Əliyev vurğulayıb.
