Hər gün 1 lotereya bileti alan dilənçi milyonçu oldu

“Burada o, göz yaşlarına boğuldu - rəqəmlər üst-üstə düşsə də, belə böyük məbləğ qazandığına inanmırdı”

Mercedes dörd ildir ki, İspaniyanın Alikante şəhərindəki La Florida bölgəsində dilənçiliklə məşğuldur. Hər gün səhər saat doqquzda “Estanco-54” lotereya mağazası ilə üzbəüz supermarketə gəlir və günorta saat 2-yə qədər orada otururdu.

Niyə ikiyə qədər? Bu vaxta qədər onun cibində ən azı bir avro yığılmışdı və yerli “Bonoloto” lotereyasına təzə biletlər “Estanco 54”-ə gətirildi. Mersedes mağazaya gedib 1 avroya bilet almaq üçün yolu keçdi. O, dörd il ərzində bu sadə addımları təkrarladı - 2 avqust 2022-ci ilə qədər. Həmin çərşənbə axşamı o, biletinin 1,2 milyon avro qazandığını öyrəndi.

Lotereya mağazasının sahibi Marie-Angeles Torreqrosanın “Euronews”a verdiyi məlumata görə, uduşdan xəbər tutan Mercedes ona sadəcə olaraq deyib: "Siz mənim həyatımı dəyişdiniz!".

Bir gün əvvəl axşam saatlarında, lotereya nömrələrinin tirajının keçirildiyi studiyadan Senyora Torreqrosaya zəng gəldi. Bildi ki, satdığı biletlərdən biri milyon avrodan çox udub: "Hamımız çox sevindik, lakin daimi müştərilərimizdən hansının qalib gələcəyini bilmirdik! Bunun Mercedes ola biləcəyi heç ağlıma da gəlməzdi. Axı mən, hətta anama zəng etdim və o, hər gün “Bonoloto” bileti alır, amma nömrələr üst-üstə düşmürdü”.

Çərşənbə axşamı Mercedes lotereya mağazasına gəldi. "Məncə, televiziyadakı nömrələr mənimkilərlə eynidir" dedi mağaza sahibinə. Nömrələri yoxlamağa başladılar: belədir! Onun uduşu 1,2 milyon avro təşkil edib.

“Burada o, göz yaşlarına boğuldu. Rəqəmlər üst-üstə düşsə də, o, hələ də belə böyük məbləğ qazandığına inanmırdı. Biz bunu biləndə hamı sevincdən ağlayır, Mercedes isə həyəcandan titrəyirdi”, - deyə Mari-Anjeles bildirib.

“Bizim ərazidə hamı böyük qələbə haqqında eşitdi və hamı Mercedes üçün çox sevindi, çünki burada hamı onun necə diləndiyini bilir! O, bütün yoldan keçənlərlə mehriban idi və burada çoxları ona kömək edirdi”, - deyə o söyləyib.

Mersedesin həyatı asan olmayıb. Lotereya mağazasının sahibinin dediyinə görə, beş il əvvəl çətin vəziyyətə düşüb və maddi cəhətdən çox sıxılıb: “Onu bizim mağazanın qarşısında oturan görən qonşular ona kömək ediblər. Mağazadan çıxan yoldan keçənlər ona ya bir tikə çörək, ya da bir paket süd təklif edirdilər”.

(Euronews)