Dünyanın yenidən bölüşdürülməsi uğrunda növbəti döyüş meydanı
Avronews 
Lukaşenko: “Dünyanın yenidən bölünməsi uğrunda növbəti döyüş Mərkəzi Asiyada baş verəcək”
Belarus Prezidenti Aleksandr Lukaşenko Mərkəzi Asiyanı “dünyanın yenidən bölünməsi uğrunda növbəti döyüş yeri” adlandırıb. Onun açıqlamasını “RİA Novosti” yayıb.
Lukaşenkonun sözlərinə görə, region “iki od arasında” qalıb: “Bir tərəfdən avropalılar və amerikalılar, digər tərəfdən Mərkəzi Asiyanın sağ qalmasına böyük kömək edən Çin. Yaxın gələcəkdə bu mübarizə Mərkəzi Asiyada olacaq, bunun əlamətləri artıq özünü göstərir”.
Belarus lideri vurğulayıb ki, dünyada “yeni münasibətlərin yaranması” və çoxqütblülük səbəbindən “amerikalılar hökmranlıq etmək istəyirlər”.
“Orta Asiya uğrunda da mübarizə gedir. İlin əvvəlində Qazaxıstanda baş verən kütləvi etirazlardan sonra Özbəkistanda vəziyyət qeyri-stabilləşib. Özbəkistanı çalxalamağa başladılar. Bu gün isə artıq bəyan edirlər ki, bunda əcnəbilərin əli var. Həmin qüvvələr Qazaxıstanı da tərk etməyəcəklər. Orada vəziyyət çətindir”, - deyə Lukaşenko iddia edib.
