Naxçıvanın muxtar statusunun ləğvinə ehtiyac var
Avronews 
Bölgənin birbaşa Bakıya tabe etdirilməsi Qarabağ məsələsində əlimizi gücləndirəcək
Əlbəttə, məsələnin hüquqi tərəfinin dəqiqləşdirilməsinə ehtiyac var. Ancaq fikrimcə, Naxçıvanın muxtar statusunun ləğvinə ehtiyac var. Bu, yalnız, Naxçıvanda baş verən qanunsuzluqlar, korrupsiyanın geniş miqyas alması və İranla şübhəli əlaqələrlə bağlı deyil.
Naxçıvanın birbaşa Bakıya tabe etdirilməsi və statusunun ləğvi Qarabağ məsələsində əlimizi gücləndirəcək. Dövlət başçısı İlham Əliyev İkinci Qarabağ müharibəsindən sonra beynəlxalq aləmə və ermənilərə dəfələrlə mesaj göndərib ki, bölgənin heç bir statusu olmayacaq.
Buna istinad edərək, Azərbaycanın digər heç bir ərazisinin də fərqli statusu olmamalıdır ki, beynəlxalq aləm və ermənilər Naxçıvanın muxtar statusunu bəhanə edib bizdən Qarabağ üçün də eynisini tələb edə bilməsinlər.
Müəllif: Elxan Şahinoğlu (politoloq)
Mənbə: “Facebook”
