Kasıb ölkədə vəba tüğyanı

BMT sözçüsü: “Biz təcili olaraq beynəlxalq ictimaiyyəti epidemiya ilə mübarizəyə çağırırıq”

Haiti vəba epidemiyası ilə üz-üzədir. BMT infeksiyadan 16 ölüm, 30-dan çox yoluxma və 200-dən çox şübhəli hadisəni təsdiqləyib. Həkimlər kadr və dərman çatışmazlığından şikayətlənirlər.

BMT Baş katibinin sözçüsü Stefan Düjarrik bildirib ki, epidemiya Porto Prinsdəki milli həbsxanada baş verib - burada 9 ölüm və xəstəliyin 30-dan çox ehtimalı var.

“Çıxış və logistika ilə bağlı çətinliklərə baxmayaraq, biz və humanitar tərəfdaşlarımız vəba ilə mübarizədə Səhiyyə Nazirliyinə dəstək veririk. Porto Prinsdə və mərkəzi bölgədə 43-dən çox tibb müəssisəsi xəstələrin müalicəsi üçün istifadə ediləcək... Biz təcili olaraq beynəlxalq ictimaiyyəti vəba epidemiyası ilə mübarizə, eləcə də digər təcili humanitar ehtiyaclar üçün vəsait ayırmağa çağırırıq”, - Düjarrik bildirib.

Qeyd edək ki, Latın Amerikasının ən kasıb ölkəsi 2010-cu ildə vəba epidemiyasından sağ çıxıb. O zaman 7 minə yaxın insan onun qurbanı olub.

(Euronews)