Rusiya XİN: Yəhudi Konqresinin mövqeyi bizə maraqlı deyil

Moskvadan Avropa Yəhudi Konqresinin tələbinə rədd cavabı verilib

Rusiya Xarici İşlər Nazirliyi (XİN) Yəhudi Konqresinin nazir Lavrovun üzr istəməsi tələbinə cavab verib. ABŞ-ın Rusiyaya qarşı siyasətini Adolf Hitlerin yəhudi məsələsini həll etmək cəhdləri ilə müqayisə etdiyi üçün Rusiya Avropa Yəhudi Konqresinin Rusiyanın xarici işlər naziri Sergey Lavrova qarşı iddialarını nəzərə almayacaq.

Avropa Yəhudi Konqresi (EJC) hesab edir ki, Rusiyanın xarici işlər naziri Sergey Lavrov ABŞ-ın Rusiya ilə bağlı siyasətini Adolf Hitlerin “yəhudi məsələsini” həll etmək cəhdləri ilə müqayisə etdiyinə görə üzr istəməlidir. Bu barədə konqresin saytındakı bəyanatda deyilir.

"Biz nazir Lavrovun demokratik ölkələrin koalisiyasının addımları ilə Holokost zamanı Hitler tərəfindən altı milyon yəhudinin təqib və qətli arasında apardığı bu biabırçı müqayisədən şoka düşdük", - deyə EJC Prezidenti Ariel Muzikant bildirib.

Onun sözlərinə görə, bu, faciənin ideyasını təhrif edir, bununla əlaqədar Konqres Rusiya nazirini özünü izah etməyə çağırır.

“Ukraynada antisemitizmin fəlakətli səviyyəsinə uzun illər məhəl qoymayan bir təşkilatın fikri maraqlı deyil. Avropa Yəhudi Konqresi SS-in simvollarını, svastikaları və Kiyev rejimi tərəfindən nasist işbirlikçilərinin tərənnümünə göz yummağı bacardı. Struktur bu istiqamətdə özünü nüfuzdan salıb”, - deyə Rusiya XİN-dən bildiriblər.

(news.rambler.ru)