“Quran”ı yandıranların iki ümidi
Avronews 
Seçkiyə qədər Ankaranın mövqeyi dəyişməyəcək
Finlyandiya və İsveç NATO-ya üzv olmaq üçün Türkiyənin razılığını ala bilmir. Çünki Türkiyənin haqlı tələbi var: “Ölkənizdəki terrorçuları bizə təhvil verin”.
Bu tələbin yerinə yetirilməsi bir yana, PKK uzantıları bu iki ölkədə fəallaşıblar, üstəgəl İsveçdə Türkiyə səfirliyi qarşısında “Quran”ın yandırılması Stokholmun NATO-ya üzvlüyünü daha da mürəkkəbləşdirib. Türkiyədə bunun qarşılığında İsveçin bayrağını yandırıblar.
Hazırkı vəziyyətdə İsveçin və Finlyandiyanın iki ümidi qalıb:
Birinci ümidləri onadır ki, Vaşiqnton Ankaraya təzyiqi artırıb bu iki ölkənin Şimali Atlantika Blokuna üzvlüyünü sürətləndirsin. Misal üçün, yayılan xəbərlərə görə, ABŞ Türkiyəyə satacağı F-16 hərbi təyyarələri əvəzinə Ankarının İsveç və Finlyandiyanın NATO üzvlüyünə razılığını almaqdır. Ancaq Vaşinqton bu xəbərləri təsdiqləməyib.
Helsinki və Stokholmun ikinci ümidi mayda Türkiyədə keçirilən Prezident seçkisində Prezident Rəcəb Tayyib Ərdoğanın məğlub olmasınadır. Hesab edirlər ki, Ərdoğanın yerinə fərqli siyasətçi Preident olarsa, NATO-ya üzvlük məsələsi həll olunacaq.
Bu hesabların nə dərəcədə özünü doğruldacağını seçkidən sonra biləcəyik. Hər halda seçkiyə qədər Ankaranın mövqeyi dəyişməyəcək və İsveçlə Finlyandiya NATO üzvü ola bilməyəcək.
Müəllif: Elxan Şahinoğlu (politoloq)
Mənbə: “Facebook”
