Prezident: “Gündəliyimizə yeni və çox mühüm məsələlər əlavə etdik”
![Prezident: “Gündəliyimizə yeni və çox mühüm məsələlər əlavə etdik”](https://avronews.az/uploads/images/2022/09/image_750x_6311c33e71547.jpg)
“Azərbaycanla İtaliya arasında aktiv siyasi dialoq mövcuddur” – İlham Əliyev
“İtaliyaya budəfəki səfərim çox uğurlu keçdi. Bu səfər zamanı İtaliyanın Prezidenti və Baş naziri ilə görüşlər keçirdim. Bu görüşlərdə ölkələrimiz arasında sıx strateji tərəfdaşlıq münasibətləri ilə bağlı bir çox məsələləri müzakirə etdik”.
“Avronews” xəbər verir ki, bu fikirləri Azərbaycan Respublikasının Prezidenti İlham Əliyev İtaliyada keçirilən 48-ci beynəlxalq Çernobbio Forumunda “Enerji təhlükəsizliyinin təmin olunmasında Azərbaycanın rolu” mövzusunda çıxışı zamanı səsləndirib.
İtaliya Prezidenti Sercio Mattarellanın dörd il əvvəl Bakıya etdiyi rəsmi səfəri xatırladan Əliyev vurğulayıb ki, bu, ölkələrimiz arasında aktiv siyasi dialoqun olduğunu göstərir: “Budəfəki görüşlərimiz zamanı biz ikitərəfli gündəliyimizə yeni və çox mühüm məsələlər əlavə etdik. Bunlardan biri də təhsil sahəsidir. Biz görüşlərimiz zamanı təkcə enerji məsələləri, iqtisadi inkişafla bağlı deyil, həmçinin təhsil məsələlərinə dair müzakirələr apardıq”.