Nazir: “Büdcəyə vergi daxilolmaları 82,2 faiz artıb”

Müvafiq dövr ərzində qeyri-neft-qaz sektoru üzrə daxilolmalar 27,9 faiz artım göstərib

2022-ci ildə Azərbaycanın dövlət büdcəsinə vergi daxilolmaları 2021-ci illə müqayisədə 82,2 % artıb. “Avronews” xəbər verir ki, bu barədə iqtisadiyyat naziri Mikayıl Cabbarov şəxsi “Twitter” hesabında məlumat paylaşıb.

Qeyd edib ki, ölkədə həyata keçirilən iqtisadi islahatlar və biznesin davamlı olaraq şəffaflaşması dövlət büdcəsinə vergi daxilolmalarının dinamikasına ciddi töhfə verir: “2022-ci ildə dövlət büdcəsinə vergi daxilolmaları 2021-ci illə müqayisədə 82,2 % artaraq 15 milyard 541,5 milyon manat təşkil edib. Bu dövr ərzində qeyri-neft-qaz sektoru üzrə daxilolmalar isə 27,9 % artaraq 8 milyard 134,9 milyon manat olub”.