Narkotik dalınca İrana keçmək istəyənlər saxlanılıb

Fakt üzrə əməliyyat-istintaq tədbiri davam etdirilir

Yanvar ayının 11-i saat 04:50-də Dövlət Sərhəd Xidmətinin (DSX) Sərhəd Qoşunlarının “Horadiz” sərhəd dəstəsinin Füzuli rayonunun Böyük Bəhmənli kəndi yaxınlığında yerləşən sərhəd zastavasının xidməti ərazisində Azərbaycan Respublikasından İran İslam Respublikası istiqamətində dövlət sərhədini pozmağa cəhd göstərən 2 (iki) nəfər Azərbaycan Respublikası vətəndaşı saxlanılıb.

“Avronews” bu barədə DSX-nın Mətbuat Mərkəzinə istinadən xəbər verir.

Araşdırma zamanı saxlanılan şəxslərin Bərdə rayon sakinləri, 2003-cü il təvəllüdlü Cəfərov Elməddin Niyaməddin oğlu və 2005-ci il təvəllüdlü Süleymanov Seyfəl Mürvət oğlu olmaları müəyyən edilib.

İlkin dindirilmə zamanı hər iki şəxs İran İslam Respublikasından narkotik vasitə gətirmək məqsədilə dövlət sərhədini pozmaq niyyətində olduqlarını etiraf ediblər. Fakt üzrə əməliyyat-istintaq tədbiri davam etdirilir.