Lavrov Fəxri xiyabanı və Şəhidlər xiyabanını ziyarət edib
Avronews 
Rusiya XİN başçısı Bakıda şəhidlərin xatirəsini yad edib
Azərbaycanda səfərdə olan Rusiyanın xarici işlər naziri Sergey Lavrov Fəxri xiyabanı və Şəhidlər xiyabanını ziyarət edib. “Avronews” xəbər verir ki, bu barədə Rusiya Xarici İşlər Nazirliyinin (XİN) sözçüsü Mariya Zaxarova “Telegram”da məlumat paylaşıb.
Lavrov Fəxri xiyabanda mərhum Prezident Heydər Əliyevin və görkəmli oftalmoloq-alim, akademik Zərifə Əliyevanın məzarlarını ziyarət edib, əklillər qoyub.
Sonra Şəhidlər xiyabanına gedən XİN başçısı şəhidlərin xatirəsini yad edib, “Əbədi məşəl” abidəsinin önünə əklil qoyub.
