Məhşur futbolçu transgender modelə aşiq olub

23 yaşlı Mbappe ilə 32 yaşlı Rau bir yerdə görüntülənib

İtaliyadan gözlənilməz xəbər gəlib. Belə ki, “Paris Saint-Germain” klubunun hücumçusu Kilian Mbappe transgender modellə görüşür.

Kilian gənc - 23 yaşında olmasına baxmayaraq, artıq bir çox ulduz xanımların əhatəsində işıq saçmağı bacarıb. Onların arasında “Miss France 2017” Alicia Ailis və “Elit” serialı ilə tanınan aktrisa Ester Ekspozito da var. Mbappe ilə hələ 18 yaşı olmayanda öpüşdüyünü iddia edən rusiyalı Viktoriya Bonyanın  hekayəsini də unutmuruq.

Bu yaxınlarda mətbuat Kilianı məşhur fransız aktyoru və musiqiçi Conni Hallideyin nəvəsi Emma Smetlə əlaqələndirirdi. Lakin Kann Film Festivalı zamanı Mbappe 32 yaşlı İnes Raunun yanında görüntülənib. O, Kiliandan xeyli böyükdür, lakin başqa bir fakt hamını daha çox maraqlandırırdı: İnes transseksualdır.

Doğulanda Rauya verilən əsl ad hələ də naməlum olaraq qalır. 16 yaşında Əlcəzair kökləri olan İnes hormonal dərmanlar qəbul etməyə başlayıb və yetkinlik yaşına çatanda cinsiyyətini dəyişib. Eyni zamanda, Raunun özü bu əməliyyatı "özünün reinkarnasiyası" adlandırır.

“Ruhumun azad olduğunu hiss edirəm. Elə bil, qapıdan asılan və məni bağlı saxlayan ağır qıfıl düşdü. Özümü 100% qadın kimi hiss edirəm”, - deyə Rau öz tərcümeyi-halında qeyd edib.

İnes valideynlərinin ona tam dəstək olduğunu söyləyib. Rau bu barədə 24 yaşında olarkən ictimaiyyətə məlumat verib.

İnes karyerasına rəqqasə kimi başlayıb, sonra model kimi yenidən təhsil alıb. 2014-cü ildə o, “Playboy”da görünüb və əsas kişi jurnalında yer alan ikinci transgender qadın olub. Və üç il sonra Rau “Playboy”da “Ayın Qızı” oldu. İnesin karyera hesabında fransız seriallarında bir neçə epizodik rol da var.

İddialara görə, Mbappe ilə Rau bir neçə aydır münasibətdədirlər. Görünür, bu, ənənəvi olaraq may ayında baş tutan Kann Film Festivalında tanış olduqdan sonra başlayıb.

Bu yaxınlarda media Kilian və İnesi futbolçunun yaxtasında görüntüləyib. Hələlik nə Mbappe, nə də Rau onların romantikası ilə bağlı məlumatı şərh edib. Amma, gec-tez, Kilian belə qeyri-adi suala cavab verməli olacaq.

Mbappe son günlər ümumiyyətlə, diqqət mərkəzindədir. Kilianın “Yuventus”un yarımmüdafiəçisi Pol Poqbanın, şamanın xidmətindən istifadə edərək ona cadu etməsi xəbəri ilə sarsıldığı bildirilib.

“Get French Football News”un məlumatına görə, bəzi fransalı millilər və məşqçilər komandanın üzvü Mbappe ilə əlaqə saxlayıb, insidenti müzakirə ediblər. Eyni zamanda, Poqbanın özü hələlik bu mövzuya münasibət bildirməyib.

Kilian vəziyyətin inkişafını izləmək və məlumatın doğru olduğu təqdirdə kəskin tədbirlər görmək qərarına gəlib. Hücumçu Poqba ilə eyni millidə oynamaqdan imtina edə bilər.

(sport-express)