“Azərbaycanda yaxşı pul qazanmaq və karyerasını sakitcə başa vurmaq şansı daha çoxdur”
Avronews 
Andrey Kançelskis: “Artyom zamanın öz axarı ilə getdiyini və özünün cavanlaşmadığını bilməlidir”
Rusiya millisinin sabiq futbolçusu Andrey Kançelskis “Zenit”in sabiq hücumçusu Artyom Dzyubanın Azərbaycan komandalarından birinə potensial transferinə münasibət bildirib.
“Nə qədər yaxşı olduğunu deyə bilmərəm, amma bu, onun qərarıdır. O, son zərbəni vurmaq istəyirsə, bəlkə də, belə daha yaxşı olar. Artyom Türkiyədən razı deyildi, bəlkə də, Azərbaycanda onun yaxşı pul qazanmaq və karyerasını sakitcə başa vurmaq şansı daha çoxdur”, - deyə 53 yaşlı mütəxəssis “Sport-Express”ə müsahibəsində söyləyib.
Kançelskis qeyd edib ki, “mavi-ağ-göylər”in keçmiş hücumçusu Türkiyə klubundakı şərtlərlə razılaşmalı idi, çünki bu çempionatın səviyyəsi RPL-dən geri qalmır: “Orada oynamağın başqa bir üstünlüyü Çempionlar Liqasında və Avropa Liqasında oynamaq imkanı olardı. Artyomun özü də zamanın öz axarı ilə getdiyini və özünün cavanlaşmadığını bilməlidir”.
Ötən mövsüm, 33 yaşlı hücumçu “Zenit”in heyətində keçirdiyi 39 oyunda 13 qol vurub və 10 məhsuldar ötürmə edib. Mayın 22-də Dzyubanın Sankt-Peterburqda səkkiz ildən sonra Rusiyanın hazırkı çempionu ilə müqaviləni yeniləmədiyi rəsmən məlum olub.
(liveresult.ru)
