“Rembo”nun ailəsi dağılır: xanımı israrlıdır
Avronews 
Silvester Stallone 25 illik ailə həyatından sonra boşanır
Dünyaca məşhur amerikalı aktyor, “Rembo” ləqəbi ilə populyarlıq qazanan Silvester Stallone 25 illik evliliyindən sonra model Cenniferdən boşanmağa hazırlaşır. Məlumata görə, boşanmaq üçün ərizə verən aktyorun həyat yoldaşıdır, aktyor isə boşanmağa qarşıdır.
“Mən ailəmi sevirəm. Biz şəxsi problemləri sülh yolu ilə və məxfi şəkildə həll edirik”, - aktyorun sözlərini onun nümayəndəsi Mişel Beqa çatdırıb.
Cennifer Floridada məhkəməyə boşanma sənədlərini təqdim edib. Ərizə avqustun 19-da icraata qəbul edilib. İddiaya əsasən, model Stalloneni "ümumi əmlakı qəsdən mənimsəməkdə" ittiham edib.
O, həmçinin birgə əldə etdikləri bütün əmlaka həbs qoyulmasını tələb edib. Boşandıqdan sonra Cennifer qızlıq soyadını - Flavini qaytarmaq istəyir.
“25 illik evlilikdə cütlük çox şey yaşayıb. Onların Stallonenin həyatını dəyişdirən üç qızı var idi. O dövrdə aktyor içki içməyi və kefli həyat sürməyi dayandırmışdı”, - deyə yerli mətbuat yazır.
(5-tv.ru)
