İran etirazlarının yatırılmasında Rusiya izi
Avronews 
“Moskva etirazları ən yaxşı şəkildə necə idarə etmək barədə Tehrana məsləhətlər verə bilər”
İranda əxlaq polisi tərəfindən saxlanıldıqdan az sonra vəfat edən Məhsa Əmini üçün 40 günlük matəmin başa çatması şərəfinə, bir gün əvvəl təşkil edilən nümayişlər iğtişaşlarla başa çatıb. Hüquq müdafiəçiləri təhlükəsizlik qüvvələrinin etirazçılara qarşı gözyaşardıcı qazdan istifadə etdiyini və bir anda atəş açdığını bildirirlər.
Ağ Ev etirazların amansızlıqla yatırılması ilə əlaqədar İrana qarşı sanksiyalar tətbiq edib və hesab edir ki, Tehran kömək üçün Moskvaya müraciət edə bilər.
“Biz narahatıq ki, Moskva Rusiyanın uzun müddət açıq nümayişləri yatırmaq tarixinə əsaslanaraq, etirazları ən yaxşı şəkildə necə idarə etmək barədə Tehrana məsləhətlər verə bilər. İranın Ukraynaya qarşı müharibənin alovlanmasında Rusiyaya kömək etdiyinə dair sübutlar açıq və üzdədir”, - deyə Ağ Evin mətbuat katibi Karine Jan-Pier bildirib.
Davam edən etirazların yatırılması nəticəsində 200-dən çox insan, o cümlədən yeniyetmələr həlak olub. Hakimiyyət ABŞ-ı və onların “izləyicilərini” iğtişaşlar təşkil etdiklərinə görə günahlandırıb və nümayişlərlə bağlı 1000-dən çox cinayət işi açıb.
(Euronews)
