Haqlıyıq, amma...
Avronews 
Erməni hiylələri qarşısında nə edirik?
Ermənilər yeni hiyləyə əl atıblar. Deməli, Ermənistanla Qarabağı birləşdirən yolun bağlanmasını bəhanə edərək “Xankəndi hava limanı işə düşsün və humanitar yüklər hava nəqliyyatı vasitəsilə ilə daşınsın” tələbini səsləndirməyə başlayıblar. Demək istəyirlər ki, Füzuli və Zəngilan hava limanlarına uçuşlar həyata keçirilərkən ermənilərə də eyni imkan yaradılmalıdır.
İkinci tələbləri budur ki, yol açılsa belə, yolun bir daha bağlanmayacağına dair beynəlxalq təminat olmalıdır. Bu da reallıqdan uzaqdır. Müəyyən vaxtdan sonra yol açılsa belə, qanunlarımıza tabe olmasalar, eyni hadisələrin təkrarlanması ehtimalı yüksəkdir.
Buna baxmayaraq, Rusiya, ABŞ və Avropa dövlətlərinin bir qismində yolun açılmasıyla bağlı açıqlamaların sayı artıb. Erməni lobbisi Azərbaycana qarşı dezinformasiya müharibəsində yeni cəbhə açıb. Biz haqlıyıq və problemin məmurlarımıza Qarabağdakı yataqlarda monitorinqin aparaılmasına maneəylə bağlı olduğunu bildiririk. Yolda gömrük və sərhəd postunun yaradılması tələbində də haqlıyıq.
Ancaq haqlı olduğumuzu müxtəlif ölkələrin rəsmi və ekspert dairlərinə nə dərəcədə izah edə bilirik? Azərbaycanın xarici ölkələrdəki səfirlərindən hər hansı birinin bu mövzuda məşhur nəşrlərdən birinə müsahibə verdiyini və ya birfinq keçirdiyini eşidən olubmu?
Müəllif: Elxan Şahinoğlu (politoloq)
Mənbə: “Facebook”
