“Ölkə ərazisində sürüşmə hadisələrinin dinamikası azalıb”
![“Ölkə ərazisində sürüşmə hadisələrinin dinamikası azalıb”](https://avronews.az/uploads/images/2023/01/image_750x_63c6594783d9d.jpg)
Rəsmi: “Azərbaycanda 99 lokal sürüşmə zonası təsbit edilib”
Ölkə ərazisində 99 lokal sürüşmə zonası təsbit edilib və xəritələnib. Onlardan 42-si davamlı monitorinqə cəlb edilir.
“Avronews” xəbər verir ki, bu barədə Geoloji Kəşfiyyat Agentliyinin İdarə Heyətinin sədri Əli Əliyev jurnalistlər üçün keçirdiyi brifinqdə açıqlama verib.
“İl ərzində vətəndaşlardan sürüşmələrlə bağlı 300-dən artıq müraciət qəbul edilir. Paytaxt ərazisində sonuncu monitorinq dünən həyata keçirilib. Hazırda vəziyyət stabildir. Ölkə ərazisində sürüşmə hadisələrinin dinamikası azalıb. Son illərdə sürüşmə ərazilərində istinad divarları tikilməkdədir. Qaraçuxurda bu yolla demək olar ki, sürüşmələrin qarşısı alınıb. Badamdar ərazisində də istinad divarlarının inşası prosesi davam etdirilir”, - deyə Əliyev bildirib.