Koronavirusun yeni “rus ştammı” tapılıb

“Sankt-Peterburqdan genomik məlumatların son yükləmələrində qeyri-adi hibrid viruslar aşkar edilib”

Sankt-Peterburq alimləri koronavirusun (COVID-19) "Rus deltakronu" adlanan yeni ştammını təsvir ediblər. Belə ki, Rusiyada aşkar edilən koronavirusun yeni variantı “Omicron” və “Delta” ştamlarının hibrididir.

“Delta” ştammı ilk dəfə 2020-ci ilin sonunda Hindistanda aşkar edilib və bir müddət bir çox ölkələrdə dominant olaraq qalıb. Bununla belə, 2021-ci ildə o, ilk dəfə Cənubi Afrikada müəyyən edilmiş daha yoluxucu “Omicron” ştammı ilə sürətlə əvəz olunmağa başlayıb. Nəticədə, daha çox yoluxucu olan və əksər hallarda xəstəliyin daha az ağır gedişinə səbəb olan bu ştamm dominant olub.

İyun ayında “Rospotrebnadzor” bildirmişdi ki, ölkədə aşkarlanan bütün COVID-19 hallarının demək olar ki, 98,3%-i “Omicron”un payına düşüb.

Amerikalı genetik alim Dmitri Prussun sözlərinə görə, Rusiya deltakron ştammının təhlükəsi hələ də öyrənilməyib: “Sankt-Peterburqdan genomik məlumatların son yükləmələrində qeyri-adi hibrid viruslar aşkar edilib. Onlardan birincisi iyulun əvvəlində verilənlər bazasında peyda olub və bir qədər inamsızlıqla qarşılanıb. Lakin iyulun sonunda Smorodintsev İnstitutunun tədqiqatçıları qripin daha çox belə genomunu tapdı. Onlar bacardıqları hər şeyi yenidən yoxladılar və inamlı bir nəticəyə gəldilər: bu, səhv deyil, əslində hibrid virusdur”.

“Delta” və “Omicron” hibridləri hələ 2022-ci ilin əvvəlində bildirilmişdi. Yanvar ayında Kipr alimləri deltakronun kəşfi barədə məlumat vermişdilər. Kiprdə cəmi 25 nəfəri yoluxduran virus “Delta” ilə eyni genetik əsasa malik olsa da, eyni zamanda “Omicron”a xas mutasiyalar da var idi. Kipr Universitetinin professoru Leontios Kostrikisin sözlərinə görə, Kipr alimləri "deltakron"un laboratoriya xətası olduğunu, virus nümunəsinin çirklənməsinin nəticəsi olduğunu fərz etdilər.

Bu fikri Ümumdünya Səhiyyə Təşkilatının (ÜST) Təcili Xəstəliklər Bölməsinin texniki qrupunun rəhbəri Maria van Kerkhove paylaşıb. “İndi Sankt-Peterburq virusoloqları hibrid virusun yerli, rus versiyasını aşkar ediblər, onun yoluxuculuğu və yaratdığı xəstəliyin şiddəti araşdırılacaq”.

(Euronews)