Alman leopardı rus ayısına qarşı - “Leopard”, “Ambrams”, “Challenger”, yoxsa “T-72”?

Qərb tankları ilə Sovet tankları Ukraynada üz-üzə: kim qazanacaq?

Ukrayna tank armadasının əsas hissəsini köhnə Sovet istehsalı olan “T-72” modelləri təşkil edir. Onların bir çoxu artıq rus ordusu tərəfindən məhv edilib, o da onlardan müharibədə istifadə edir və yüzlərlə bölmə itirib.

Ukrayna ordusunun faktiki tank ehtiyatlarının nə qədər olduğu bəlli deyil. Lakin Kiyev həftələrdir ki, Qərb tanklarının təcili çatdırılmasını istəyir.

Alman “Leopard-2” tankları hər kəsin dilində idi. Lakin başqa müasir və yaxşı silahlanmış tanklar da var ki, yaxın gələcəkdə Ukraynaya göndərilə bilər.

Kağız üzərində Qərbin Ukraynaya tədarük etməyə hazır olduğu tanklar 1970-ci ildə istifadəyə verilmiş və hələ də Ukrayna Silahlı Qüvvələrində xidmətdə olan Sovet istehsalı olan T-72-lərdən üstündür.

“T-72” tankları “Leopard-2”, “M-1 Ambrams”, “Challenger-2” və “Leclerc”dən daha köhnədir, baxmayaraq ki, bütün digərləri kimi modifikasiya edilib. Ümumiyyətlə, Qərb tankları oxşar diapazona malik olsa da, daha sürətlidir və daha yaxşı təchiz olunub.

“Leopard”ın böyük üstünlüyü onların əlçatanlığıdır.

“Delas” Mərkəzinin hərbi sənaye, təhlükəsizlik və müdafiə sahəsi üzrə eksperti Pere Orteqa deyir: “Almaniya on iki ölkəyə “Leopard” tədarük edib. Ona görə də yüksək ehtimal var ki, NATO dövlətləri onlara atəş üçün lazım olan komponentləri və mərmiləri təmin edir”.

“Leopard”la davranmağı öyrənmək daha asan olacaq. Mütəxəssislər orta təlim müddətinin təxminən beş həftə olacağını deyirlər. Silahların atəş qabiliyyəti və ya çapı Sovetin “T-72” modelinə bənzəyir. Amma...

Pere Orteqa davam edir: ““Leopard”da qurulan gecə və lazer görmə kimi texnologiyalar Sovet dövründəki tanklarda o qədər inkişaf etməmişdi. Beləliklə, bir “Leopard” Rusiyanın üç tankına bərabər hesab edilə bilər, baxmayaraq ki, Rusiyanın Almaniyadan daha çox tankı var”.

“Leopard”dan başqa, Ukrayna NATO ölkələrindən Qərb istehsalı olan 300 tank istəyir. Onların arasında Böyük Britaniyanın Baş naziri Rişi Sunak tərəfindən təhvil verildiyi açıqlanan “Challenger-2” də var.

Fransa Prezidenti Emmanuel Makron yanvarın 23-də bildirib ki, o, müdafiə nazirindən Ukraynaya bir sıra Fransız “Leclerc” döyüş maşınlarının göndərilməsi ideyasını “işləməyi” xahiş edib.

(Euronews)