Yol polisindən paytaxt sakinlərinə müraciət

Şəxsi avtomobillərdən az istifadə edilməsi, ictimai nəqliyyata üstünlük verilməsi xahiş olunur

Bakı Şəhər Dövlət Yol Polisi (DYP) İdarəsi sürücülərə müraciət edib. “Avronews” bu barədə İdarənin baş inspektoru polis mayoru Araz Əsgərliyə istinadən xəbər verir.

“31 Dekabr - Dünya Azərbaycanlılarının Həmrəyliyi Günü və Yeni il bayramının təhlükəsizlik şəraitində keçirilməsi məqsədilə paytaxtın mərkəzi küçə və prospektlərində xüsusəndə Azneft, Dənizkənarı bulvar – Neftçilər prospekti boyunca kəsişən digər yollarda avtomobillərin intensiv hərəkətini, nəzərə alıb, şəxsi avtomobillərdən mümkün qədər az istifadə edilməsi, ictimai nəqliyyata üstünlük verilməsi və ən əsası dayanma durma tələblərinə ciddi şəkildə riayət etmək xahiş olunur”, - deyə o bildirib.