Ukrayna Ordusu əks-hücuma keçdi: rusların birinci müdafiə xətti yarılıb
Avronews 
Hazırda Ukrayna bölgəsinə ağır Rusiya silahlarının çatdırılmasına imkan verilmir
Ukrayna Silahlı Qüvvələri Xerson istiqamətində əks-hücuma başlayıb. “Avronews” Ukrayna mediasına istinadən xəbər verir ki, Ukrayna ordusu Xerson yaxınlığında Rusiyanın birinci müdafiə xəttini yarıb.
Qeyd olunur ki, əsas körpülərin əksəriyyəti yararsız hala salınaraq, müvəqqəti işğal altında olan Ukrayna bölgəsinə ağır Rusiya silahlarının çatdırılmasına imkan verilmir.
“Biz bir neçə istiqamətdə hücum əməliyyatlarına başlamışıq və rəqibin birinci müdafiə xəttini yarmışıq. Təbii ki, həmin istiqamətlərin adını çəkməyəcəyik”, - deyə Ukraynanın "Cənub" operativ komandanlığının rəsmisi Natalya Qumenyuk bildirib.
