“Qarabağdan qanunsuz erməni hərbi birləşmələri çıxarılmalıdır” - Deputat
![“Qarabağdan qanunsuz erməni hərbi birləşmələri çıxarılmalıdır” -](https://avronews.az/uploads/images/2023/02/image_750x_63f8741db6b69.jpg)
Vahid Əhmədov: “Laçın dəhlizində gömrük və sərhəd-keçid məntəqəsi olmalıdır”
“Laçın dəhlizində nəzarət mexanizmini həyata keçirmək üçün Rusiya ilə danışıqlar davam etməlidir. Laçın dəhlizində gömrük və sərhəd-keçid məntəqəsi olmalıdır ki, Ermənistandan Qarabağa silah və sursat daşınmasın”.
“Avronews” xəbər verir ki, bunu Milli Məclisin bu gün keçirilən iclasında deputat Vahid Əhmədov deyib.
O xatırladıb ki, Rusiya sülhməramlılarının orada faktiki qalma müddəti var: “Eyni zamanda Qarabağdan qanunsuz erməni hərbi birləşmələri çıxarılmalıdır. Beləliklə, həm Laçın dəhlizi, həm də Qarabağdakı qanunsuz erməni hərbi birləşmələrinin çıxarılması məsələsi həllini tapmalıdır”.