“Avqustun 26-da Laçın şəhərinə girdik və...” – PREZİDENT
Avronews 
İlham Əliyev: “Onlar 5 rayonu boşaltmağa elə bil ki, hazır idilər, amma o şərtlə ki, Laçın və Kəlbəcər əbədi qalsın onların əlində”
“Avqustun 25-də Laçın şəhəri və iki kənd boşaldıldı. Avqustun 26-da biz Laçına girdik və o unudulmaz anları, unudulmaz hissləri bir daha yaşadım”.
“Avronews” xəbər verir ki, bu barədə Azərbaycan Prezidenti İlham Əliyev yerli televiziya kanallarına müsahibəsində açıqlama verib
“Bu, doğurdan da həm çox emosional bir gün idi, həm də qürurverici bir gün idi. Natamam qalmış işlər hələ var, onları da biz tədricən yoluna qoyuruq”, - deyə o bildirib.
Dövlət başçısı əlavə edib ki, “danışıqların işğal dövründə belə çox davam etməsi və yəni, uğursuzluqla nəticələnməsi də məhz, o cümlədən Laçına və Kəlbəcərə görə idi”: “Çünki onlar 5 rayonu boşaltmağa elə bil ki, hazır idilər. Amma o şərtlə ki, Laçın və Kəlbəcər əbədi qalsın onların əlində. Yəni, biz laçınlılara, kəlbəcərlilərə görə, tarixi torpaqlarımıza görə, ərazi bütövlüyümüzə görə bu qədər dözmüşük. Amma məncə, ən tez öz doğma ocaqlarına qayıdan laçınlılar olacaq”.
“İndi Laçın şəhərində geniş quruculuq-bərpa işləri gedir. İndi baxacağıq, bu il biz Laçın şəhərinə ilk laçınlıları nə vaxt qaytaracağıq. Bu il Zabux və Sus kəndlərinə də keçmiş köçkünləri qaytaracağıq”, - deyə Əliyev vurğulayıb.
