Separatçılarla rusiyalı hərbçilərin ortaq “biznesi”

Rusiya Ukrayada işğal etdiyi ərazilərdə taxılı yağmaladığı kimi, hərbçiləri də Azərbaycan ərazisindəki yataqları yağmalayır

Moskva Xocalı soyqırımından sonra bölgədə müharibənin genişlənəcəyi təhlükəsinə görə Qarabağdakı mənfur 366 hərbi briqadanı bölgədən çıxarmağa qərar verdi. O zaman hadisəni yerindəcə izləyən rusiyalı jurnalistlərdən biri hərbi briqadaya komandanlıq edənlərin və onların xanımlarının maşınlarında pul və zinnət aşyaları daşımalarının şahidi olmuş və bunu qələmə almışdı.

Qarabağdakı rusiyalı hərbçilər iki yolla varlanırdılar: Birincisi, rusiyalı hərbçilər erməni separatçılarla birgə işğal etdikləri ərazilərdə azərbaycanlıların evlərini yağmalayırdılar; ikincisi separatçılar onlara verilən dəstəyə görə rusiyalı zabitlərlə dünyadakı erməni lobbisindən aldıqları pulları bölüşürdülər.

Kim zəmanət verə bilər ki, erməni separatçıları yenə eyni taktikadan istifadə etmirlər? Separatçılar erməni lobbisindən aldıqları puldan rusiyalı hərbi kontingentin rəhbərliyi və zabitləri ilə bölüşür, Azərbaycana aid yataqların qanunsuz istismarından əldə edilən gəlirdən onlara pay verirlər.

Azərbaycanlı məmurların yataqlarda monitorinq aparmasına yaradılan əngəlin səbəblərindən biri də budur. Rusiya Ukrayada işğal etdikləri ərazilərdə taxılı yağmaladığı kimi, hərbçiləri də Azərbaycan ərazisində yataqlarımızın qanunsuz istismarından qazanır.

Müəllif: Elxan Şahinoğlu (politoloq)

Mənbə: “Facebook”