Bu duman nə vaxt çəkiləcək?
Avronews 
Gəncədə görünüş məsafəsi 50 metrədək məhdudlaşıb
Hazırda ölkə ərazisində dumanlı hava şəraiti müşahidə olunur. “Avronews” Hidrometeoroloji Proqnozlar Bürosunun direktoru Gülşad Məmmədovaya istinadən xəbər verir ki, soyuq yer səthi üzərində nisbətən isti hava kütlələrinin üfüqi istiqamətdə hərəkət etməsi isti havanın tərkibində olan su buxarının soyuq səthə toxunaraq kondensasiya olunmasına səbəb olur. Bu da yerüstü təbəqədə dumanın əmələ gəlməsinə şərait yaradır.
“Dumanlı hava şəraiti ilə əlaqədar Naxçıvan, Şərur, Naftalan, Şəmkir, Ağdam, Tovuz, Qəbələ, Şəki, Balakən, Şamaxı, Qobustan, Qusar, Xaltan, Tərtər, Bərdə, Yevlax, Göyçay, Zərdab, Beyləqan, Hacıqabul, Biləsuvar, Cəfərxan, Lənkəran və Lerikdə görünüş məsafəsi 300-800 metr, Gəncədə isə 50 metrədək məhdudlaşıb”, - deyən Məmmədovanın sözlərinə görə, dumanlı hava şəraitinin bəzi rayonlarda həftə sonunadək fasilələrlə davam edəcəyi gözlənilir.
