Azərbaycanda faydalı qazıntı yataqları hərraca çıxarılır
Avronews 
Hərracda xarici ölkələrin hüquqi və fiziki şəxsləri də iştirak edə bilər
İqtisadiyyat Nazirliyi yanında Əmlak Məsələləri Dövlət Xidmətinin Hərracların Təşkili Mərkəzi və Ekologiya və Təbii Sərvətlər Nazirliyi Dövlət Mineral Xammal Ehtiyatlarından İstifadə Agentliyi tərəfindən fevralın 15-də yerin təkinin istifadəyə verilməsi üzrə növbəti hərrac keçiriləcək.
“Avronews” Agentliyə istinadən xəbər verir ki, hərracda 3 lot üzrə Xızıda yerləşən “Şurabad” qum yatağı, Balakəndə 1 lot üzrə “Göyəmtala” gil yatağı, Qazaxda hər biri 3 lot üzrə “Aşağı Salahlı” gil və “Daş Salahlı-III” sement xammalı yataqları, Ağstafada 2 lot üzrə “Acıdərə” vulkan külü yatağı satışa çıxarılacaq.
Hərracda xarici ölkələrin hüquqi və fiziki şəxsləri də iştirak edə bilər.
