İtaliyalı nazir: “Azərbaycandan qaz idxalının artırılmasında maraqlıyıq”

Piketto: “Şirkətlərimiz də bu sahədə ölkənizlə əməkdaşlıq etmək niyyətindədir”

İtaliya Azərbaycandan qaz idxalının artırılmasında maraqlıdır. “Avronews” xəbər verir ki, bunu İtaliya Respublikasının ətraf mühit və enerji təhlükəsizliyi naziri Cilberto Piketto Fratini fevralın 3-də Azərbaycan Respublikasının Prezidenti İlham Əliyev tərəfindən qəbul edilərkən deyib.

Cilberto Piketto Fratin yaxın gələcəkdə TAP layihəsinin ötürücülük qabiliyyətinin artırılmasının əhəmiyyətini qeyd edib.

Qonaq Azərbaycanın böyük bərpaolunan enerji potensialına malik olduğunu deyərək İtaliya şirkətlərinin gələcəkdə bu sahədə də ölkəmizlə əməkdaşlıq etmək niyyətində olduqlarını diqqətə çatdırıb.